ԱՂՈԹՔ ՍՈՒՐԲ ԳԻՐՔ ԸՆԹԵՐՑԵԼՈՒՑ ԱՌԱՋ

Ս. Հովհան Ոսկեբերան

Տե՛ր Հիսուս Քրիստոս,

բա՛ց սրտիս աչքերը՝ լսելու Քո խոսքը,

հասկանալու և կամքդ կատարելու,

քանզի պանդուխտ եմ ես այս աշխարհում:

Մի՛ ծածկիր ինձնից Քո պատգամները,

այլ բա՛ց իմ աչքերը,

որ հասկանամ օրենքիդ հրաշալիքները.

հայտնի՛ր ինձ Քո իմաստության անհայտն ու ծածուկը:

Ես Քեզ եմ ապավինում, Աստված իմ,

թող Քո մտքի լույսով լուսավորվի նրա իմաստը,

որ ոչ միայն գրվածը կարդամ, այլև կատարեմ,

որպեսզի մեր կարդացած խոսքերն ու սուրբերի վարքը մեզ ի վնաս չլինեն,

այլ ի նորոգություն, լուսավորություն, սրբագործություն,

ի փրկություն հոգու և ի ժառանգություն հավիտենական կյանքի:

Զի Դու ես լուսավորում խավարի մեջ նստածներին,

և Քեզանից է ամենայն բարիք ու ամենայն կատարյալ շնորհ:

ԱՄԵՆ